Inicio Poemas Kijiera tener
Kijiera tener
Viernes, 09 de enero de 2009
Poema recitado por Viviana Rajel Barnatán. Acompañamiento musical de Darío Meta Barnatán.

Kijera tener

Kijera tener
El bolo de las aves
El kanto de los sonos
La pureza de la agua
El brilyo de tus ojos.
Kijera tener
La sapiensa del tiempo
El ritmo del pandero
La inosensia del ninyo
La vedrá del avuelo.
Kijera tener
La anchura de los sielos
La armonía de la mar
La bivensia del mundo
La alegría del dar.
Kijera tener
Los anyos del arvolé
El poder del fuego
El amigo sinsero
La veluntad del siego.
Kijera tener
La saviduría de poder dizir:
“Por tenerte a ti
Todo esto que pido
Ya lo reushí”.

 Kijiera tener (formato libro)

 

Escuchar poema