Tribuna

Haggadah sefardita en ladino

PESSAH, FIESTA DE LA LIBERTAD, AHARVA A MUESTRA PUERTA.

Es el momento como cada anio di azer la grande lempieza afin de desbarasarmos del hametz, del levdo. El hametz es muy negro, nefasto a Pessah. Mos desbarasaremos del hametz ke ay en mozotros, hametz ainda mas negro, hametz ainda mas nefasto.
Bouchkaremos de desbarasarmos por siempre, una vez por siempre, de muestras nuisives usansas e de muestros negros penserios...

Por seguro, ia conosech, este enseniamiento.
Ouna kriatura, in un kazal, kiria trokar el mundo, renderlo mijor.
El percuro muntcho tiempo sin parvenir.
Adolescente, el dicho: el mundo es muy grande. Bouchkaremos de trokar el païs, ansi sera mas facil. "
Durante muntchos anios, el percuro, sin successo, de amejoriar su nasion. Las sezonis passaron ; muestro joven si izo adulto, penso alora de trokar el kazal. El païs es muy vasto, el kazal es accessible, serca de mano. En trokando su kazal, el penso trokar su païs, i ke el mundo va seguir. Nada no se izo. Su kazal nou si amejorio del todo.
Casado, padre, el povre ombre si desolava. Ensupito, el tuvo una luminosa idea. Dike no bouchkar de trokar el caracter de su famia ? El resto va seguir : su sivdad, su païs, enfin el mundo, fatalmente se va amejoriar.
Los inviernos succedieron a los autumnos e los inveranos a las primaveras.
A diversas occasiones, el ombre corvado por los anios, non parvino a realisar su deseo.
Duspues aver passado toda su vida in el espera di este vano amejoramiento del caracter humano, a las puertas de su invierno, el tuvo una illuminasion : " E si yo trocaria ? Si yo parvengo, alora por mi solo egsempio, seguira mi famia, duspues mi kazal, mi païs i enfin el mundo. "
Kriatura i adolescente, kuanto non sognimos de trokar el mundo. Este ultimo no asperava solo mozotros ! Seria muy tadre ke trokemos, mozotros oy en dia ? En el espera de Pessah onde mozotros somos supuestos de salir di Egypto, como muestros abuelos lo izieron, permetedme di acodrarvos, ke sigun la Gematria, Mitzraïm - Egypto, tiene la misma valor numerica ke metzarim - miserias. Decharemos Mitzraïm i maestros metzarim detras de mozotros. Muestros abuelos fueron esclavos en Mitzraïm. Mos proiberemos i interdiremos a los otros, akeos con los kualos bivimos, de non abandonarmos a los metzarim. Io rogo por una paz justa i durable, justa i savia, justa i generosa con los vizinos de Israël. Israël es muestro solo i permanente cudio i la paz es su unica solusion.
Buena fiesta di Pessah a todos vozotros.

Remitido por Pere Bonnin y Lourdes Rénsoli